O proxecto ‘Relato Compartido’ regresa cunha segunda edición que parte dun texto de Cynthia Menéndez e continuará con achegas mensuais de nove escritores e escritoras máis, nunha iniciativa apoiada pola Área de Cultura da Deputación da Coruña.
A final da categoría Teatro PRO de Xuventude Crea 2026 reúne este 29 e 30 de outubro catro propostas inéditas no Salón Teatro de Santiago de Compostela. As representacións son abertas ao público e de balde ata completar aforo.
Bengala Teatro Físico sitúa as realidades que adoitan quedar nas marxes no centro da escena con Alicia Wants To, unha peza que combina crueza social, realismo máxico e linguaxes escénicas diversas para abordar a desigualdade desde a empatía.
O proxecto de creación escénica de ButacaZero traballa con adolescentes arredor das protestas que paralizaron a cidade durante quince días en setembro de 1972. A investigación inclúe encontros con protagonistas da folga e un percorrido polos lugares vinculados á mobilización.
A compañía estreará o próximo 4 de setembro no Teatro Rosalía de Castro unha nova lectura do universo dramático de Manuel Lourenzo a partir do mito de Drácula. A proposta combina teatro, música en directo e unha exposición dedicada ao legado do autor.
O Castelo Conta leva máis dunha década demostrando que as artes escénicas tamén poden medrar desde unha pequena parroquia do rural. Humor, teatro, narración oral e creación para a infancia son parte dun festival que entende a escena como unha ferramenta para construír comunidade.
As antigas integrantes de A Panadaría presentan a súa nova compañía cunha coprodución do Centro Dramático Nacional. ‘Manchas de sangue’ estrearase na primavera de 2027 no Teatro María Guerrero antes de iniciar o seu percorrido por Galicia.
Ártika Cía, Teatro de Ningures e Teatro O Cubo representarán a Galicia no programa de intercambio escénico que conecta seis comunidades do norte peninsular. A edición de 2026 celebrarase entre setembro e novembro baixo o lema Latexos Escénicos.
A sexta edición do Festival Internacional de Improvisación de Galicia celebrarase do 8 ao 18 de outubro en Santiago de Compostela. A cita amplía a súa programación cara á música, a danza, o rap ou a regueifa, reafirmando a improvisación como práctica artística transversal.
A cita celebrarase entre o 21 de xuño e o 5 de xullo cunha programación que reunirá 24 espectáculos, múltiples estreas e compañías galegas, estatais e internacionais. Durante dúas semanas, a vila volverá converterse nun dos principais puntos de encontro das artes escénicas en Galicia.
O festival coruñés celebrará a súa sétima edición do 5 ao 12 de xullo cunha programación que combina música, performance, cultura e reivindicación. A principal novidade deste ano será Atlantic Drag!, unha homenaxe ao talento drag local e á súa forza transformadora.
A nova proposta de Teatro Permanente, ‘Ruir’, presentarase os días 4, 5 e 7 de xuño en Vigo. A peza, escrita e dirixida por Alberte Alonso, expande o universo de ‘A porta pechada’ desde unha conversa improbable entre dous camareiros do inferno.
